Pasi deklaroi se kishte marrë kujdestarinë e vajzës së tij, Nina, për 1 vit, Fero pak ditë më parë u pa pranë të bijës. Mirëpo, avokatja e Arbenita Ismajlit, Blinera Osmani, në një prononcim për “Telegrafin”, ka thënë se klientes së saj nuk i është marrë kujdestaria e vajzës.
Osmani thotë se është kundërshtuar vendimi për kërkesën për mbrojtje emergjente nga ana e Feronit Shabanit, por akoma nuk ka një vendim të prerë për konfliktin mes dy palëve “Kujdestaria ende nuk i është marrë klientes time, sepse vendimi për kërkesën për mbrojtje emergjente që është bërë prej babait të vajzës është kundërshtuar, kështu që derisa nuk kemi një formë të vendimit të prerë nuk e konsiderojmë që është marrë kujdestaria e vajzës”,-ka thënë Osmani.
Ndër të tjera avokatja ka shtuar se kundërshtimin e kërkesës së ish-reperit e kanë dërguar në gjykatë dhe tani presin përgjigje.
“E kemi dërguar kundërshtimin tonë dhe testin brenda shtatë ditëve sipas afatit ligjor që përcakton ligji për të marrë vendim mbi ankesën tonë”.
Kujtojmë që disa ditë më parë Fero ka thënë se është në depresion dhe sipas tij, gjendja e rënduar emocionale iu krijua pikërisht se nuk ka takuar të bijën për një periudhë të gjatë. Pasi ish-reperi Feronit Shabani, i njohur me emrin e artit si Fero, akuzoi ishpartneren e tij, Arbenita Ismajli, se i ka mohuar të drejtën për të takuar vajzën që kanë së bashku, Ninën, së fundmi ai shihet duke kaluar kohë me të voglën e tij. Me anë të disa postimeve në InstaStory, Fero është parë me vajzën por nuk dihet ende se çfarë ka ndodhur dhe kush është vendimi i gjykatës.
Kujtojmë që disa ditë më parë ai ka thënë se është në depresion dhe sipas tij, gjendja e rënduar emocionale iu krijua pikërisht se nuk ka takuar të bijën për një periudhë të gjatë. Pas këtyre deklaratave, reperi ka bërë një tjetër reagim, ku shprehu hidhërimin e tij për situatën në të cilën ndodhet. Ai u shpreh se “di një mijë mënyra për të shkatërruar dikë”.
“Një njeri kur është i shkatërruar në një mijë mënyra, di një mijë rrugë për të rindërtuar veten edhe njëmijë mënyra të tjera, për të shkatërruar dikë,” shkroi ai së fundmi në Instagram. Sipas Feros, pas ndarjes nga Arbenita, vendimet që janë marrë për të bijën gjatë procesit të divorcit nuk respektohen nga ana e modeles.
“Unë, si prind, po përjetoj padrejtësi të mëdha. Ka kohë që nuk më respektohen vendimet gjyqësore dhe nuk më lejohet të shoh vajzën time. Vajza udhëton në shtete të ndryshme pa lejen time, pa më informuar ku ndodhet. Sot, më është thënë se vajza ka ikur dhe nuk po marr asnjë informacion për të”, tha Fero. Ish-reperi iu drejtua prokurorisë duke thënë që ndodhet në gjendje të rënduar dhe paralajmëroi “çfarë ndodh në nuk i kontrolloj emocionet e mia?”
Më pas shtoi: “Po bëj një thirrje për Prokurorinë e Gjilanit, veçanërisht për prokuroren që e ka rastin tim. Nuk po di si ta shpjegoj ndryshe që jam në një gjendje shumë të rëndë. Çka ndodh nëse unë nesër nuk mund t’i kontrolloj emocionet e mia?” Ndër të tjera Fero shprehet se nuk mund të flasë hapur lidhur me situatën, duke shtuar se “prokuroria mund të hakmerret dhe t’i heqë edhe ato pak ditë që i ka për të parë vajzën e tij”. Kujtojmë që ish-çifti pësuan një ndarje aspak të mirë nga njëri-tjetri, kjo pasi artisti dhunoi dhe kërcënoi me jetë modelen, ndërsa kjo e fundit e denoncoi ish-bashkëshortin, të cili gjykata e la në paraburgim për 30 ditë. Ngjarja ka ndodhur pas një sherri në banesën e çiftit, ku Fero ka goditur me grusht modelen dhe i ka thyer telefonin, ndërsa pas kësaj ai ka ushtruar dhunë mbi ish-partneren dhe e ka kërcënuar atë se “do të vrasë nëse ma merr vajzën.”
