Aktorja e njohur, Rebel Wilson, ka kurorëzuar dashurinë e saj me partneren Ramona Agruma.
Burimet thanë për People se dyshja shkëmbyen betimet në Sardenjë të Italisë.
Ky zhvillim i ri në marrëdhënien e tyre vjen dy vjet pasi Wilson dhe Agruma dolën publike me romancën e tyre në qershor 2022.
Në atë kohë, aktorja e “Senior Year”, postoi një foto në Instagram.
“Mendoja se po kërkoja një Princ të Disney-t… por ndoshta ajo që më duhej vërtet gjatë gjithë kësaj kohe ishte një Princeshë Disney #loveislove”, shkroi ajo poshtë fotos.
Pas më pak se një viti, Wilson dhe Agruma u fejuan.
Ajo i propozoi gruas së saj tani përpara kështjellës së Bukuroshes së Fjetur në Disneyland në Kaliforni në ditën e Shën Valentinit në 2023.
Wilson më vonë e ndau lajmin në Instagram me një foto të saj dhe Agrumës duke u puthur. Kjo e fundit ka treguar edhe unazën e saj të fejesës.
“Ne thamë PO! Faleminderit @tiffanyandco për unazën mahnitëse dhe Bob Iger dhe ekipin e jashtëzakonshëm në Disneyland @disneyweddings për realizimin e kësaj surprize magjike!”, shkroi Rebel.
Në fillim të marrëdhënies së tyre, Wilson dhe Agruma mirëpritën një vajzë, Royce Lillian, nëpërmjet nënë surrogate në nëntor 2022.
