Sekretari amerikan i Mbrojtjes Lloyd Austin konfirmoi të mërkurën se Koreja e Veriut ka dërguar trupa në Rusi për t’iu bashkuar luftimeve kundër Ukrainës.
Austin e quajti praninë e tyre një përshkallëzim “shumë serioz” që do të kishte implikime si për Evropën ashtu edhe për Azinë.
“Çfarë po bëjnë saktësisht?” pyeti Austin gazetarët në një bazë ushtarake në Itali.
Ai nuk dha detaje mbi numrin e trupave që ndodhen atje apo numrin që pritet të mbërrijnë.
Raportet për 2500 ushtarë
Gjatë dy javëve të fundit, ka pasur raporte, të nxitura nga qeveritë e Ukrainës dhe Koresë së Jugut, se më shumë se 12,000 koreano-veriorë po stërviten për të luftuar përkrah ushtarëve rusë.
Zyrtarët amerikanë kanë thënë se vlerësojnë se deri më tani janë dërguar rreth 2,500 trupa të Koresë së Veriut. Por ata nuk vlerësuan se sa të tjerë pritet të mbërrijnë apo edhe efektet e pranisë së tyre në zonat ku nuk kanë luftuar kurrë.
Nuk kishte asnjë koment të menjëhershëm nga Kremlini, por Rusia i kishte mohuar raportet e mëparshme./
