Sipa raportimeve të të përditshmes spanjolle “Marca”, do të jetë Christiano Ronaldo fituesi i Topit të Artë për edicionin e ardhshëm.
Kjo për faktin se ai ishte deciziv tek Juve për fitimin e Kampionatit dhe Superkupën e Italisë edhe pse nuk mundi dot ti dhuronte Champions League. Ai u përzgjodh futbollisti më i mirë i Seria A dhe u rendit në vendin e tretë si golashënuesi më i mirë.
Po kështu ai ka ndihmuar edhe përfaqësuesen e Portugalisë të fitojë edicionin e parë në histori të Ligës së Kombeve, pas tripletës të realizuar prej tij në gjysëmfinalen me Zvicrën.
Për të konkretizuar fitoren e Topit të Artë atij i duhet që përvec të përhershmit Messi të mund Mbappe, Mane dhe Van Dijk.
