Ministri i Ekonomisë, Blendi Gonxhe ka deklaruar se në muajin Prill të vitit 2025 do të ketë një tjetër indeksim për pensionet.
Gonxhe bëri të ditur se vlera e përllogaritur në total për indeksimin e Prillit 2025 do të jetë rreth 50 milionë Euro.
“Në vitin 2025 dua t’ju bëj një llogari shumë të thjeshtë, efekti i indeksimit të sivjetshëm që ne bëmë, ai indeksimi që na akuzuan se u tallëm, është rreth 100 milionë Euro për vitin 2025. Pensionet e reja që do lidhim në vitin 2025 do jenë dhe rreth 50 milionë Euro të tjera. Indeksimi i Prillit i vitit 2025, do e quajmë për gjysmë viti, është rreth 50 milionë Euro të tjera. Bonusi i vitit të ardhshëm, do jetë dhe rreth mbi 100 milionë Euro të tjera. Vetëm këto që ju përmenda janë 770 milionë Euro për vitin 2025 që ne të mbajmë ritimin me të gjitha politikat”, tha Gonxhe.
