Kombëtarja shqiptare e futbollit e ka mbyllur në vendin e fundit në grupin e saj pjesëmarrjen në këtë edicion në Ligën e Kombeve, ku ishte pjesë e Ligës B. Humbja ndaj Ukrainës rezultoi fatale, ashtu si golavarazhi i përgjithshëm që la kuqezinjtë pas Gjeorgjisë vetëm falë diferencës së golave.
Në fund të turneut, ashtu siç është e zakonshme, bëhet renditja e përgjithshme e tij duke marrë për bazë ku janë pozicionuar skuadrat. Dhe për Shqipërinë, renditja e përgjithshme e turneut e çon në vendin e 29-të, duke lënë pas vetëm skuadrat e Malit të Zi, Kazakistanit dhe Finlandës në Ligën B.
