Xherdan Shaqiri po kalon një moment të artë te Bazeli, ku duket se ka rilindur. 33-vjeçari, realizoi një gol mjaft të bukur nga goditja e dënimit në minutën e 5-të të sfidës ndaj Sionit, me kohën e rregullt që përfundoi në barazim 2 me 2.
Fituesi u vendos nga pika e bardhë e penalltisë, ku futbollistët e Bazelit u treguan më të saktë duke u kualifikuar për në çerekfinalen e Kupës së Zvicrës.
Shaqiri ishte i pari që shënoi 11-metërshin, teksa të 4 futbollistët e Bazelit u treguan të saktë, ndërkohë që për Sionin shënoi vetem Baltazar.
