Sipërmarrësi dhe modeli i famshëm, shqiptar Elton Ilirjani, ka ndarë në rrjetet sociale foto nga takimi i tij me Parashqevi Simakun, yllin e muzikës shqiptare të viteve ’80, që trazoi së fundmi zemrat e shqiptarëve me një video ku dukej duke marrë ndihmë për të pastrehët në SHBA.
Ilirjani premton se Simaku së shpejti do të nisë të këndojë sërish për publikun shqiptar.
“Parashqevi Simanku është mirë! Sapo u takuam dhe po pimë kafen e parë. Ajo do jetë shumë mirë tani dhe do këndojë sërish për publikun shqiptar”, shkruhet në postim. Ai ka falënderuar gruan e cila ndau një video të Simakut dhe me sa duket është personi që e ka ndihmuar Ilirjanin të gjejë vendndodhjen e këngëtares.
