Biznesmeni Elton Ilirjani thotë se Parashqevi Simaku më në fund ka kontaktuar me djalin e saj.
“Parashqevi Simaku foli më në fund në video konferencë me djalin dhe ish-bashkëshortin!” – shkruan Elton Ilirjani.
Më herët, pasi e gjeti dhe strehoi në një nga hotelet më të mirë në Manhattan, biznesmeni tha se Parashqevia herë pas here pësonte kriza dhe se e vetmja gjë që ajo kërkonte ishte të takonte djalin e saj, por ky i fundit nuk ka pranuar të fliste me këngëtaren në asnjë formë.
Por duket se situat ka ndryshuar për mirë. Parashqevi Simaku sipas Ilirjanit ka arritur të kontaktojë me djalin e saj, të cilin prej vitesh e ka pritur në stacionin e trenit në New York, aty ku edhe flinte si e pastrehë.
Ilirjani gjithashtu është shprehur se frika e tij më e madhe është se Parashqevia mund të largohet përsëri pasi gjendja e saj mendore nuk është stabile.
