Basha apel për gjithë politikanët: Të bëjmë vettingun, ta ndajmë shapin nga sheqeri, kush është i lidhur me krimin e kush jo

Në intervistën për emisionin “2984” në Vizion Plus me moderatorin Albano Bogdo, kryetari i Partisë Demokratike-Demokratët Euroatlantikë, Lulzim Basha, ka bërë një apel publik për kolegët e tij në politikë. Basha tha se nëse politikanët duan tu tregojnë shqiptarëve të vërtetën mbi pasurinë e tyre, atëherë duhet të bëjnë të gjithë vetting. Ai tha se do të ishte politikani i parë që do të kalonte në vetting, e më pas të gjithë të tjerët duhet të bënin të njëjtën gjë.
“Unë kam një ftesë për të gjithë politikanët që të bëjmë vettingun. Pastaj e ndajmë shapin nga sheqeri, kush është i lidhur me krimin e kush jo”, tha Basha.