Reshjet e dendura të dëborës në bypass-in e Murrizit kanë bërë që qindra mjete të mbeten të bllokuara.
Dëbora ka vështirësuar gjithë qarkullimin, dhe policia ka bërë apel për kujdes gjatë viztjes dhe pajisjen me goma dimërore dhe zinxhirë.
“Aksi rrugor “Bypass-Qafë Murrizë”, në Dibër, aktualisht është i pakalueshëm, pasi firma kontraktore po punon për pastrimin e rrugës nga dëbora.
Borëpastrueset ndodhen në terren dhe vijojnë punën për pastrimin e rrugëve nga dëbora dhe për hedhjen e kripës
Njëkohësisht masa janë marrë në të gjitha akset rrugore nacionale dhe urbane, për shkak të reshjeve të shiut. Në këto kushte, Policia e Shtetit apelon për drejtuesit e automjeteve që të moderojnë shpejtësinë, të qëndrojnë në radhë në akset ku ka ngadalësim të lëvizjes dhe të mos kryejnë parakalime të gabuara”, njofton Policia.
