Napoli mori një fitore me vlerë në javën e 17-të të Seria A, pasi mposhti Xhenoan. Goli i dytë për Napolin u shënua nga Amir Rrahmani, teksa sfida u mbyll me rezultatin 1-2.
Rrahmani pati paraqitjet tejet të mirë, për këtë dhe “Sofascore” e ka përfshirë në formacionin e javës të Seria A. 30-vjeçari ndodhet në qendrën e mbrojtjes.
Lojtari i përfaqësueses së Kosovës është titullar i padiskutueshëm për Konten. Ky i fundit i ka besuar çdo minutë deri tani në kampionat dhe Rrahmani ia ka shpërblyer me një gol dhe dy asiste.
Napoli aktualisht mban vendin e dytë në kampionatin italian. Me trajnerin Konte janë rikthyer konkurrues, teksa vetëm Atalanta numëron dy pikë më tepër në krye.
