Një kalimtar ka humbur jetën si pasojë e një aksidenti të ndodhur në rrugën Burrel-Rrëshen.
Ngjarja ka ndodhur mbrëmjen e kësaj të enjteje (26 dhjetor), ndërsa policia ka shoqëruar në komisariat drejtuesin e mjetit.
Ende nuk dihen shkaqet e aksidentit, ndërsa po punohet për zbardhjen e rrethanave.
Njoftimi i policise
Rreth orës 17:45, në fshatin Urakë, shtetasi G.Gj , 40 vjeç, dyshohet se ka humbur kontrollin mbi drejtimin e automjetit të tij dhe ka aksidentuar këmbësorin, shtetasin Q.N., rreth 70 vjeç, i cili si pasojë e aksidentit, ka ndërruar jetë në spital.
Drejtuesi i automjetit, shtetasi G.Gj., u shoqërua në Komisariat për veprime të mëtejshme.
Grupi hetimor vijon hetimet për zbardhjen e plotë të rrethanave të aksidentit.
