Barcelona-Real Madrid do të jetë finalja e Superkupës së Spanjës, me të dy skuadrat që do të duelojnë pas tre ditësh për trofeun në Arabinë Saudite.
Katalanasit kaluan të mërkurën në darkë Atletik Bilbaon, ndërsa madrilenët mposhtën sot Majorkën me shifrat 3-0. Ekipi i Ançelotit dominoi plotësisht sfidën, duke iu afruar shumë herë golit, por e gjeti atë vetëm në pjesën e dytë kur Bellingam më në fund mposhti “murin” e ngritur nga mbrojtja e skuadrës së Vedat Muriqit.
Golat e tjerë do të vinin vetëm në shtesë, me një autogol të Valjent të “gatuar” nga Brahim Diaz e më pas me rrjetën e tundur nga Rodrigo i cili vulosi suksesin 3-0 dhe praninë e “El Clasico” në finale.
REAL MADRID-MAJORKA 3-0
63′ Bellingam, 90’+2′ (ag) Valjent, 90’+5′ Rodrigo
GOLI I RODRIGO (VIDEO)
AUTOGOLI I VALJENT (VIDEO)
GOLI I BELLINGAM (VIDEO)
FORMACIONET ZYRTARE
REAL MADRID: Kurtua; Lukas Vazkez, Tçuameni, Rydiger, Mendi; Valverde, Kamavinga; Rodrigo, Bellingam, Vinicius; Mbape.
Trajner: Karlo Ançeloti
MAJORKA: Greif; Mafeo, Valjent, Raíjo, Mojika; Dani Rodriguez, Maskarej, Morlanes, Sergi Darder; Larin, Muriqi.
Trajner: Hagoba Arrasate
