Armando Broja vazhdon mallkimin e dëmtimeve të njëpasnjëshme! Sulmuesi i Kombëtares shqiptare, është dëmtuar përsëri sot, në ndeshjen e Kupës FA të Evertonit ndaj Peterborou, ku ishte aktivizuar si zëvendësues.
Broja hyri në fushë në minutën e 68-të të ndeshjes, por pas më pak se 15 minutash, gjatë një aksioni ai kaloi portierin, por më pas vendosi këmbën e djathtë keq në tokë dhe bëri shenjë menjëherë duke u rrëzuar se bëhej fjalë për një dëmtim të rëndë.
Kjo u kuptua edhe nga ndërhyrja e stafit mjekësor, me lojën që u ndërpre për disa minuta derisa barrela mori futbollistin dhe e kaloi atë direkt në ambulancë për ta ccuar në spital për vizita, pasi mendohet se ka pësuar një dëmtim serioz në kaviljen e djathtë.
