Nga Agron Duka Kreu i PAA
Thirrje e PAA-së për shqiptarët që jetojnë jashtë Shqipërisë!
Të dashur bashkëkombas!
Ju tashmë e dini se më 11 Maj do të mbahen zgjedhjet e përgjithshme, dhe për herë të parë, ju që jetoni larg Shqipërisë mund të votoni përmes postës!
Por, që të ushtroni këtë të drejtë, duhet të regjistroheni. Pa këtë hap, vota juaj nuk do të mund të realizohet.
Gjithashtu, duhet të siguroni një dokument të vlefshëm shqiptar (ID ose pasaportë). Ne si opozitë po kërkojmë zgjatjen e vlefshmërisë së dokumenteve të skaduara, por për çdo rast, bëni të pamundurën për t’i rinovuar.
Familjet tuaja dhe Shqipëria kanë nevojë për ju – jo vetëm për remitancat, por edhe për votën tuaj! Sot është dita të kontribuoni për një qeverisje më të drejtë dhe më të ndershme. Filloni procesin e regjistrimit tani!
Si mund të regjistroheni?
Hyni në platformën zyrtare të KQZ ose shkarkoni aplikacionin:
Shkarko këtu https://diaspora.kqz.gov.al/
Ngarkoni:
Numrin tuaj personal të identifikimit, datëlindjen dhe vendlindjen.
Një foto për të vërtetuar praninë tuaj.
Një numër telefoni ose email për konfirmim.
Shpërndajeni këtë thirrje me miqtë dhe të afërmit tuaj në rrjetet sociale!
