Një bar kafe është përfshirë nga zjarri në rrugën “Faik Konica” pranë stadiumit “Arena Kombëtare”, në orët vona të mbrëmjes së djeshme në kryeqytet.
Banorët e një pallati ngjitur me biznesin kanë dalë jashtë për shkak të përmasave të mëdha të flakëve, të cilat kanë rrezikuar dhe banesat e tyre.
Ata kanë njoftuar menjëherë zjarrfikësen dhe më pas katër makina të shërbimit zjarrfikës kanë ndërhyrë për të bërë të mundur neutralizimin e flakëve.
Si pasojë e flakëve janë shkaktuar dëme të shumta materiale, si dhe janë dëmtuar ballkonet e disa banesave lart biznesit. Grupi hetimor po punon për zbardhjen e plotë të rrethanave të ngjarjes.
