Detaje të reja dalin nga vdekja e 21-vjeçarit Simon Sholla, i cili është gjetur i pajetë në ambientet e konviktit të një shkolle private pranë katedrales ortodokse “Lindja e Krishtit” në Gjirokastër.
Raportohet se i riu është gjetur pa shenja jete nga shokët e tij në tualetet e konviktit.
Sipas burimeve, pranë trupit të Simon Shollës janë gjetur ilaçe. Dyshohet se ka humbur jetën si pasojë e mbidozë së ilaçeve që 21 vjeçari merrte për shkak të depresionit.
Njoftimi i policisë:
Më datë 16.01.2025, rreth orës 09:55, në tualetet e konviktit të një shkolle private, në lagjen “11 Janari”, është gjetur pa shenja jete dhe pa shenja dhune, shtetasi S. Sh., 21 vjeç, banues në Durrës. Nga veprimet e para hetimore dyshohet se ka humbur jetën si pasojë e mbidozës së ilaçeve që 21 vjeçari merrte për shkak të depresionit.
Grupi hetimor nën drejtimin e Prokurorisë po punon për sqarimin e rrethanave dhe shkakut të humbjes së jetës.
