Senatori i Floridës, Marco Rubio, ka bërë betimin si Sekretari i ardhshëm i Shtetit. Senati e konfirmoi atë duke e bërë anëtarin e parë të kabinetit të Trump që merr miratimin e Kongresit.
Rubio ka vite përvojë duke shërbyer në Komitetin e Marrëdhënieve me Jashtë të Senatit dhe duke folur për konfliktet ndërkombëtare gjatë mandatit të tij në Senat.
Ai tani është diplomati më i lartë amerikan i vendit, duke mbikëqyrur më shumë se 70,000 punonjës federalë që punojnë për Departamentin e Shtetit të SHBA.
Rubio konsiderohet një “skifter” i politikës së jashtme. Ai thotë se gjithçka që bën administrata e re do të varet nga përgjigjja e tre pyetjeve: “A na bën më të fortë? A na bën më të sigurt dhe a na bën më të begatë?”
“Nëse jo, ne nuk do ta bëjmë atë,” thotë Rubio.
Ai e quan këtë një moment “transformues” dhe thotë se SHBA po shkon drejt një “epoke të re” që do ta bëjë botën një vend më të sigurt. Sekretari i ri i Shtetit shtoi se Trump e bëri të qartë se roli parësor i politikës së jashtme amerikane do të jetë paqja.
