Donald Trump takohet me liderët e industrisë së teknologjisë për të diskutuar investimin 500 miliardë dollarësh në fushën e inteligjencës artificiale.
CEO i OpenAI, Sam Altman, do takohet me Presidentin Donald Trump në Shtëpinë e Bardhe së bashku me disa CEO të tjerë të teknologjisë për të njoftuar rreth një investimi masiv në infrastrukturën e inteligjencës artificiale në SHBA, sipas CNN.
OpenAI është do bashkëpunojë me Oracle dhe SoftBank për të investuar deri në 500 miliardë dollarë në vitet e ardhshme në një projekt të qendrës së të dhënave të inteligjencës artificiale të quajtur “Stargate”.
Drejtuesit e inteligjencës artificiale prej muajsh kanë thënë se nevojiten më shumë qendra të të dhënave për të arritur ambiciet e tyre të inteligjencës artificiale në vitet e ardhshme.
Oracle është ndër operatorët më të mëdhenj të qendrave të të dhënave në SHBA dhe SoftBank ka buxhetin e nevojshëm për të financuar zgjerimin e infrastrukturës së inteligjencës artificiale, e cila pritet të kushtojë miliarda dollarë.
Altman u ka kërkuar më parë zyrtarëve amerikanë që të ndihmojnë në ndërtimin e infrastrukturës për të siguruar që Shtetet e Bashkuara të mbeten përpara Kinës në garën e armëve AI, duke pasur parasysh se inteligjenca artificiale shtrihet në të gjitha fushat, nga ekonomia tek ushtria.
CEO i OpenAI u takua me CEO-n e Softbank, Masayoshi Son vitin e kaluar për të kërkuar investime në impiante të reja për ndërtimin e çipave të inteligjencës artificiale.
Altman, i cili mori pjesë në inaugurimin e Trump tha muajin e kaluar se ai beson që presidenti i ri do të jetë shumë i mirë në tërheqjen e investimeve në infrastrukturën e inteligjencës artificiale në SHBA dhe se mezi pret të punojë me administratën e re.
