Një 26-vjeçar ka rënë në prangat e policisë së Italisë, pasi akuzohet për shpërndarje dhe shitje të lëndëve narkotike.
Mediat në Itali bëjnë me dije se gjatë kontrollit, policia i gjeti shqiptarit disa kuti çamçakëzësh, në të cilat shqiptari fuste lëndën narkotike të ndarë në doza kati për shitje.
Mësohet se policia sekuestroi një sasi të konsiderueshme lëndë narkotike të llojit kanabis 40 doza, si edhe 20 mijë euro që i riu mbante me vete.
Në ditët në vijim ai pritet të dalë para Gjykatës për tu njohur me masën e arrestit.
