Kandidatët për kryeministër të Kosovës, Bedri Hamza nga PDK dhe Ramush Haradinaj nga AAK, kanë shkëmbyer urime dhe shtrënguar duart në prag të zgjedhjeve të nesërme.
Ky moment ndodhi në studion e një prej emisioneve në RTV Dukagjini, kur Hamza po largohej nga studio dhe Haradinaj po hynte për intervistën e tij.
“Urime, sukses,” i tha Haradinaj Hamzës, ndërsa ky i fundit e përgëzoi për fushatën e zhvilluar.
“Gjithashtu, urime edhe juve. Deri këtu ka qenë model dhe besoj që i kemi kontribuuar demokracisë dhe perspektivës së vendit,” u shpreh Hamza.
