Këngëtari i njohur, Blero Muharremi, ka ndarë një moment të veçantë nga jeta e tij personale, duke treguar se po shijon një lidhje të re dashurie.
Teksa nesër më 14 shkurt është Shën Valentini, ai ka postuar një fotografi nga një restorant, duke lënë të kuptohet se është duke e kaluar këtë ditë speciale me partneren e tij.
Edhe pse nuk e ka zbuluar identitetin e personit që e shoqëron, Blero ka tërhequr vëmendjen me një mbishkrim të veçantë dhe disi thumbues, ku shkruan:
“Dita e parë e Shën Valentinit, gëzuar edhe ex-ave të mi”.
Ky dedikim ka ngritur dyshime të shumta mes ndjekësve të tij, të cilët mendojnë se mund t’i referohet ish-të dashurës së tij, Afrona Dikës.
Megjithatë, deri më tani, asgjë nuk është konfirmuar dhe identiteti i partneres mbetet ende një mister.
