Në shtëpinë më të famshme në Shqipëri, “Big Brother VIP 4”, mbrëmë banorët janë argëtuar me njëri-tjetrin. Ata kanë luajtur së bashku, duke krijuar një atmosferë shumë të bukur. Banorët kanë harruar për një moment hatërmbetjet që kanë me njëri-tjetrin dhe kanë luajtur dhe biseduar qetë së bashku. Madje teksa ndodheshin në dhomë të gjumit, Gjesti ka ftuar Indritin që të flenë bashkë dhe ai ka pranuar direkt. Por jo vetëm kaq, pasi teksa Gjesti po ngacmonte Valbonën, aty ishin dhe Indriti dhe Aldo që po qeshnin.
Këta të dy të fundit së bashku me Gjestin më pas kanë bërë një plan së bashku për Shën Valentinin. Ata kanë vendosur që të flenë të tre së bashku.
“Të bëjmë krevatin gati, të gjejmë ca trëndafila”, tha Aldo dhe Gjesti ia pret: “Ti hedhim në krevat”
“Nuk kemi kujt t’ia japim, unë jam i prishur me Eglin. S’kemi kujt me ia dhënë, i urojmë njëri-tjetrit Shën Valentinin. Nesër flemë bashkë të tre. Tërë natën bashkë të tre dhe rrimë bashkë gjithë kohën, ça kanë këta”, ia bën Gjesti.
Ndërkohë Indriti duke qeshur thotë se bëjmë sikur po puthemi, teksa puth dorën e vet.
Gjesti u thotë dy banorëve që t’a bëjnë planin vërtetë, pasi herë pas here bëjnë plane dhe asgjë nuk bëjnë.
