Departamenti i Shtetit në SHBA publikoi të mërkurën raportin e përvitshëm për të drejtat e njeriut në botë. Pavarësisht se si mund ta lexojnë palët, në thelb raporti mbetet shumë kritik dhe ofron një panoramë të zymtë për vendin.
“Në qershor të vitit 2017, vendi zhvilloi zgjedhjet parlamentare. Organizata për Sigurinë dhe Bashkëpunimin në Europë njoftoi se zgjedhjet respektuan liritë themelore, por u dëmtuan nga akuzat për blerje votash dhe presion mbi votuesit,” thuhet që në paragrafin e parë të raportit.
