Zëvëndësministri i Drejtësisë Toni Gogu është liruar nga detyra. Largimi i tij nga ky post vjen pas zgjedhjes si Kryetar i Këshillit Bashkiak të kryeqytetit pas votimeve monopartiake të 30 qershorit.
Vendimi i plotë
Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003 “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave.
Vendosi: Toni Gogu, zëvendësministër i Drejtësisë, lirohet nga kjo detyrë.
Ky vendim hyn në fuqi menjëherë.
Edi Rama
Në zgjedhjet lokale të 30 Qershorit, Gogu u zgjodh anëtar këshilli, ndërsa më pas u votua dhe u zgjodh si kryetar në mbledhjen e konstituimit.
