Një aksident i rëndë ka ndodhur në orët e pasdites.
Një automjet që lëvizte me shpejtësi mbi normat e lejuara, është përmbysur në rrugë vetëm 1 km larg tunelit të Krrabës, në aksin rrugor Elbasan-Tiranë.
Automjeti mësohet se është përplasur me muret mbrojtësee të rrugës dhe më pas është përmbysur.
Në këtë aksident një person ka mbetur i plagosur rëndë dhe dy në gjendje më të lehtë.
Të dëmtuarit ndërkohë janë transportuar për në spitalin e Elbasanit, ndërsa policia ka mbërritur në vendngjarje për të hetuar shkaqet dhe rrethanat e aksidentit.
