Legjenda e basketbolli Kobi Brajant humbi jetën në mënyrë tragjike pas përplasjes së helikopterit me të cilin ai ishte duke udhëtuar. Incidenti i rëndë ndodhi në Kalabasas të Los Anxhelos. Kobi po udhëtonte së bashku me vajzën e tij 13-vjeçare dhe me disa persona të tjerë, të cilët për fat të keq humbën jetën.
Dëshmitarët okularë kanë rrëfyer më mediat se dëgjuan motorin e helikopterit duke u djegur, përpara se të përplasej.
Në videon e publikuar nga TMZ, flakët dhe tymi mbuluan pjesën më të madhe të skenës nga rrënojat. Ndërkohë që nuk dihet ende shkaku i këtij aksidenti fatal.
