Prej ditës së hënë, që operacioni Forca e Ligjit nisi punën në terren për pasuritë e të dënuarve dhe personave me rekorde kriminale, ka bërë përshtypje tek qytetarët edhe agjendja bjonde me syze që del në media dhe tregon detaje nga operacionet e kësaj njësie speciale.
Në rrjet kanë qarkulluar edhe meme që janë përpjekur për të treguar se kush fshihet pas vajzës me syze dhe kapele e uniformë të OFL, që i duket bishti i flokëve bjondë.
“Panorama” mëson se ajo është Eljes Breca, e diplomuar për psikologji dhe ka rreth një vit që është pjesë e strukturës së Marrëdhënieve me Publikun të OFL-së.
