Qytetarët janë sensibilizuar tashmë për rrezikun që paraqet koronavirusi për shëndetin e tyre dhe në mënyra të ndryshme përpiqen të informojnë.
Pas konstatimit të të infektuarit të parë, një 28-vjeçari dhe më pas të babait të tij, qytetarët vetë kanë dhënë informacione se kush ka pasur kontakte me ta ditët e fundit dhe kanë zgjeruar rrezen e personave me të cilët ata kanë kontaktuar. Mësohet se së fundmi, njeri prej tyre ka qënë një një varrim në fshatin Gomsiqe të Pukës, ku dihet sipas tradhitës shqiptare, vijnë qindra njerëz që i japin dorën njeri tjetrit dhe i rrahin shpatullat për të ngushëlluar.
Ish_kryeministri Sali Berisha ka publikuar denoncimin e një qytetari me këtë shënim: “I infektuari me koronavirus merr pjesë në ceremoni mortore në Pukë! Lexoni denoncimin e qytetarit dixhital,” shkruan Berisha.
Në mesazhin e qytetarit, jepen edhe detaje të tjera:
Mirëmbrëma z.Berisha!
Njëri nga pacientët e shtruar në QSUT për koronavirus, sipas informacioneve, është nga Puka. Ai ka rreth 20 ditë që shëtit lirshëm.
Më datë 8/03/2020 ai ka qënë në një ceremoni mortore, në një fshat të Pukës, Gomsiqe, ku është takuar me shumë njerëz! Anonim ju lutem….
