Një grua shtatzënë e prekur nga Covid-19 që ishte e shtruar në Klinikën Infektive ka vdekur mëngjesin e sotëm.
Lajmin e ka konfirmuar Klinika Infektive.
“Klinika Infektive e QKUK-së njofton se gjatë orëve të para të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe po trajtohej në mjekimin intensive të klinikës që prej datës 15 prill 2020”, përfundon njoftimi.
Gruaja shtatzënë kishte shfaqur përkeqësime që kur u shtrua në spital. Burimet spitalore nuk e bëjnë të ditur e gjendjen e foshnjës.
Deri tani në Kosovë janë infektuar 598 persona nga COVID 19, ndërsa 16 prej tyre kanë vdekur si dhe 123 janë shëruar.
Sipas QKUK-së, kjo është vdekja e 13, e pacientëve me Covid-19 në këtë klinikë dhe e 16-ta në nivel kombëtar.
