Programi “Historia ime”, në Tv Klan solli ditën e sotme historinë e 35-vjeçares Brunilda Neziri. Ajo është nënë e 4 djemve dhe në studio rrëfeu vështirësitë e saj ekonomike.
Gjendja e tyre është vështirësuar edhe më shumë sepse bashkëshorti është i sëmurë dhe nuk mund të punoj. Brunilda nuk i plotëson dot kërkesat e fëmijëve të saj dhe shprehet se shpeshherë detyrohet të nxjerrë edhe djalin për të shitur fara.
Mirela Milori: Si ka qenë martesa juaj në këto 14 vjet?
Brunilda Neziri: Martesa ime ka qenë edhe e mirë, edhe si i thonë që dashuria më duket se ka dhe të mirën dhe të keqen. Se thonë që dashuria po nuk u grinde nuk duhesh shumë. Kemi patur edhe të mira, edhe probleme. Më shumë na vinin nga ana ekonomike.
Mirela Milori: Keni qenë në punë gjatë gjithë kohës të dy?
Brunilda Neziri: Po të dy, pasi erdhëm në Tiranë dhe ai filloi punë. Por u sëmur, u fry nga stomaku dhe nuk e përballonte dot më punën.
Mirela Milori: Ti ke punuar gjatë gjithë kohës, edhe tani vazhdon punon. Ku punon?
Brunilda Neziri: Në rrobaqepsi punoj.
Mirela Milori: Familja filloi të mbahej me të ardhurat e tua?
Brunilda Neziri: Po vetëm unë isha shtylla.
Mirela Milori: Erdhën fëmijët në jetë. Si e menaxhoje nga ana ekonomike familjen? Si ja dilje?
Brunilda Neziri: Ja ashtu. Para 7 viteve, burri punonte edhe natën, puinonte dhe me karrocë ditën dhe e përballonim. Që kur i ra sëmundja, nuk e përballoi dot më.
Mirela Milori: Dhe filloi të rrinte në shtëpi?
Brunilda Neziri: Rrinte në shtëpi me fëmijët!
Mirela Milori: Sa është rroga jote, nëse mund të pyes?
Brunilda Neziri: 250 mijë lekë të vjetra. Paguaj 150 mijë qira, plus ujë dhe drita. Kam edhe dy banka, që nuk e përballoj dot. Siç e merrja rrogën vetëm këto më iknin, banka dhe qira.
Mirela Milori: Si ja dilje?
Brunilda Neziri: Me borxhe.
Mirela Milori: Fëmijët duan të vishen?
Brunilda Neziri: Nuk e kisha mundësinë. Më jepte nëna ime, ja falnin asaj dhe visheshin fëmijët, se nuk kisha.
Mirela Milori: Djemtë e kuptojnë vështirësinë tuaj ekonomike?
Brunilda Neziri: E kuptojnë, por janë shumë të vegjël. Nxirrja çunin e madh për fara, që të jetonim, sa të nxirrnim pak atë bukën. S’kisha çfarë të bëja./tvklan.al
