Presidenti i Republikës, Ilir Meta ka vizituar Piramidat e Gizës në Egjipt, ndërsa ka ndarë me ndjekësit e tij në facebook emocionet e kësaj vizite. Meta thotë se në Kajro mund të kuptosh shumë mirë, si në asnjë vend tjetër, qytetërimin mijëravjeçar të Egjiptit dhe vlerat që mbart.
Statusi i plotë i Metës:
Mbresëlënëse vizita në Piramidat e Gizës, ku pata mundësinë të shoh nga afër Sfinksin e madh, por edhe një nga Shtatë mrekullitë e botës, Piramidën e Keopsit.
Në Kajro mund të kuptosh shumë mirë, si në asnjë vend tjetër, qytetërimin mijëravjeçar të Egjiptit, por njëkohësisht edhe vlerat e jashtëzakonshme që ka për të gjithë qytetërimin botëror e gjithë kjo pasuri e trashëguar.
