Leyla Moses Ones, e ngarkuara me Punë e SHBA, prej orës 14:00 po zhvillon një takim me kryetaren e LSI-së, Monika Kryemadhin, në selinë e kësaj partie.
Ky takim i zyrtares amerikane vjen pas takimit me kryedemokratin Lulzim Basha. Takimi me Bashën zgjati rreth një orë në selinë blu.
Ata kanë dalë të qeshur nga ky takim që vjen një ditë pas protestës së opozitës së bashkuar para Parlamentit.
Nga ana tjetër, kujtojmë se Shtetet e Bashkuara të Amerikës kanë reaguar pasi opozita vendosi të djegë mandatet, duke e cilësuar si një hap që minon demokracinë, si dhe ka apeluar shmangien e dhunës në protestat e paralajmëruara kundër qeverisë.
