Kriza politike ka nxitur ndërkombëtarët të takojnë politikanët shqiptarë për zgjidhjen e ngërçit. Burime të sigurta bëjnë me dije se javën tjetër do të vijë në Shqipëri zyrtari i lartë amerikan Matthew Palmer, i cili do të takojë kryeministrin Edi Rama, kryedemokratin Lulzim Basha dhe Presidentin Ilir Meta. Në një moment të vështirë politik, ku opozita ka dorëzuar mandatet, kryeministri Edi Rama vazhdon të qeverisë i vetëm dhe presidenti Ilir Meta është shprehur i gatshëm të vetësakrifikohet për zgjidhjen e krizës, Palmer do të diskutojë me politikanët për gjetjen e një zgjidhje. Matthew Palmer është Zëvendës Ndihmës Sekretar në Byronë e Çështjeve Evropiane dhe Euroaziatike të SHBA, me përgjegjësi për Ballkanin Perëndimor dhe Egje. Më parë, ai ka mbajtur postin e drejtorit të Zyrës së Evropës Jugore Qendrore. Ai flet serbisht, greqisht dhe japonisht. Palmer së fundmi ka realizuar disa vizita në vendet e Ballkanit, si në Maqedoni dhe Greqi, ku ka këshilluar për situatën politike në vend.
ABOUT US
Ne, një grup gazetarësh me shumë përvojë, në sektorin e medias së shkruar, kemi vendosur që të kontribuojmë në një dritare tonën, ku kufijtë na i vendos vetëm etika e profesionit dhe jo interesat e padronit, është një nismë idealiste. startnews.al, pa censurë, pa imponim, por me ambicien kerkon të shndërrohet në një dritare besnike për ndjekës që duan një gazetari të angazhuar, por të pavarur nga agjendat private të grupeve, trusteve e partive, nisma jonë ka zënë fill me idealizëm dhe garantojmë se do të vijojë e tillë, me shpresë se besnikëria e lexuesve do na shpërblejë.
Kontakto: [email protected] && [email protected]
Qëndro lidhur
© 2024 startnews.news. All Rights Reserved.