Ish-deputetja e Partisë Demkratike, Jorida Tabaku është përmendur si një kandidate për Bashkinë e Tiranës, para se opozita të digjte mandatet. Në emisionin ‘5 pyetje’, Tabaku theksoi se është kënaqësi kur dëgjon lajme të tilla, mirëpo shton se opozita do nuk do të marrë pjesë në zgjedhjet e 30 Qershorit.
“Është kënaqësi kur dëgjon dhe vlerësohesh, nuk mund ta mohoj që kam lidhje të veçantë me Tiranën, por nuk do të ketë zgjedhje lokale. PD ka shumë kandidatë për Tiranën.
Nuk besoj që do të jetë rasti që të diskutojmë kaq shpejt për zgjedhje lokale, pasi ka ende shumë kohë. Nuk ka pasur asnjë diskutim të tillë me Bashën, mendoj që për mua është herët për një angazhim të tillë. Nuk ka pasur diskutim të brendshëm në PD, është i gjithi i jashtëm”, sqaroi Tabaku.
