Shqipëria do të konkurrojë për herë të parë në eventin e rëndësishëm të filmit në “Festivalin e Filmit në Kanë”. Filmi “The Van” është në garë për çmimin e filmit më të mirë me metrazh të shkurtër.
Filmi “The Van” është një bashkëpunim shqiptaro-amerikan, me regji të Erenik Beqirit dhe është zgjedhur në 11 filmat më të pëlqyer ndër 4240 filma që kanë konkurruar në total. Në këtë film luajnë aktorë të njohur si Arben Bajraktari, Afrim Muçaj dhe francezi Phenix Brossard.
“Kanë, ja tek po vijmë! Faleminderit çdokujt që na qëndroi pranë. Krenarë që jemi shqiptarët e parë që marim pjesë në garën zyrtare,”- shkruan Erenik Beqiri, autori i filmit që do të përfaqësojë Shqipërinë në Festivalin Ndërkombëtar të Filmit me Metrazh të Shkurtër.
