Banoret e Unazes se Re, perfaqesues te Opozites kane shkuar sonte tek Drejtoria e Policise Tirane ne mbeshtetje te te ndaluave mes tyre dhe ish deputetit Balliu.
Veç Balliut, në burg mbahet edhe Elton Skënderi, banor i Astirit. Për Balliun e Skënderin janë mbedhur mbrëmjen e sotme protestuesit e Astirit para Drejtorisë së Policisë së Tiranës, nga ku janë duke hedhur shashka edhe tymuese në drejtim të institucionit të policisë. Protestuesit kërkojnë lirimin e ish-deputetit Klevis Balliu, dhe protestuesve të tjerë të arrestuar.
Nënkryetari i LSI-së Petrit Vasili dhe Sekretari i Përgjithshëm i LSI-së, Endrit Braimllari në mbështetje të qytetarëve protestues të Unazes së Re. Vasili dhe Braimllari i janë bashkuar banorëve te Drejtoria e Policisë së Tiranës që kërkojnë lirimin sa më parë të familjarëve të tyre që u ndaluan paraditen e sotme pas përplasjeve në zonën e Astirit, ku shkak u bë vizita e kryeministrit Rama në një biznes në zonën ku prej 7 muajsh banorët protestojnë kundër projektit korruptiv të zgjerimit të Unazës së Madhe të Tiranës.
Vasili: Arrestimi i protestuesve dhe Balliut, akt kriminal
Nënkryetari i LSI-së, Petrit Vasili, ka reaguar ashpër për arrestimin e ish-deputetit demokrat, Klevis Balliu.
I pranishëm në protestën që po zhvillohet para Drejtorisë së Policisë së Tiranës, Vasili deklaroi se Edi Rama i ka llogaritë të hapura me qytetarët.
“Ndalimi i protestuesve dhe Balliut është akt kriminal. Kriminelët janë jashtë të lirë, ndërsa qytetaret në burg…. Edi Rama ka llogari te hapur me qytetarët”,- deklaroi nënkryetari i LSI, Petrit Vasili.
