Deputeti i CSU-së, flet në një intervistë për gazetën ‘Shekulli’. Christian Schmidt, thekson rëndësinë që ka procesi zgjedhor në Shqipëri. Për këtë çështje ai kërkon edhe përfshirjen e prokurorisë për të hetuar vjedhësit e votave
Afrimi i zgjedhjeve lokale në Shqipëri do të ndikojë në dhënien e opinionit nga ana e Këshillit të Bashkimit Evropian për çështjen e hapjes së negociatave. Zgjedhjet e 26 Majit për Parlamentin Evropian do të formësojnë edhe institucionet e reja të Bashkimit Evropian.
Komisioni Evropian ka një rol thelbësor për këtë çështje. Presidenti i ri i këtij Komisioni ka një rol thelbësor për sa i përket procesit të zgjerimit të Ballkanit Perëndimor. Gjermania si një nga vendet kyçe të Bashkimit Evropian ka nisur një proces samitesh për Ballkanin Perëndimor.
Takimi i fundit i Berlinit, nxori në pah problematikat të cilat mbajnë peng disa vende të këtij rajoni. Këtu mund të përmendim Kosovën dhe Serbinë. Dialogu i tyre është pezulluar për shkak të vendosjes së taksës ndaj mallrave serbe dhe boshnjake. Serbia por edhe një pjesë e komunitetit ndërkombëtar kërkon që Kosova ta revokojë këtë masë.
Në të njëjtën kohë një problem për Gjermaninë është edhe situata politike në Shqipëri. Gjermania vazhdimisht ka kërkuar që Shqipëria të zbatojë reformat kyçe të kërkuara nga ana e Bashkimit Evropian. Janë pikërisht këto probleme që thekson edhe deputeti i Bundestagut Gjerman, Christian Schmitd.
Ai është pjesë e CSU-së dhe flet në një interviste ekskluzive për gazetën ‘Shekulli’. Schmidt kërkon që të forcohet roli i drejtësisë në Shqipëri dhe veçanërisht i Prokurorisë. Sipas tij ajo duhet të jetë më aktive në dënimin e fenomenit të blerjes së votës.
Schmidt, cilat janë shqetësimi kryesor për Gjermaninë, për sa i përket situatës në Shqipëri?
Konfrontimi aktual politik midis qeverisë dhe opozitës duhet të zgjidhet. Strukturat parlamentare duhet të punojnë dhe përfaqësojnë pozicione të ndryshme demokratike. Për të nisur negociatat rreth pranimit në Bashkimin Evropian, duhet të ketë një angazhim të dukshëm në luftën kundër krimit të organizuar dhe korrupsionit nëpërmjet institucioneve të pavarura. Veçanërisht hetimet për vjedhjet në zgjedhje duhet të kryhen si pasojë nga prokurorët publikë.
A besoni se bojkoti politik është alternativa më e mirë që opozita politike mund të bëjë?
Unë besoj se të dy palët duhet të punojnë në përfundimin e konfrontimit dhe të vijnë në një kuptim politik. Një sistem demokratik mund të punojë vetëm me një opozitë funksionale që ju është dhënë të drejtave themelore.
Reforma gjyqësore është shumë e rëndësishme për Shqipërinë dhe kriteret kryesore për Bashkimit Evropian. Si e vlerësoni ecurinë e kësaj reforme?
Ka pasur tashmë një përparim të vërtetë. Natyrisht kjo duhet të vazhdohet. Reforma e drejtësisë është me rëndësi të madhe. Ne presim respektimin e kushtetutës dhe përkushtimin demokratik.
A do ta mbështesë Gjermania hapjen e negociatave për Shqipërinë?
Ne do të duhet të presim që Komisioni Evropian të publikojë raportin e tij të progresit mbi Shqipërinë dhe pastaj do të marrim kohën që nevojitet për të arritur një qëndrim si në Gjermani, ashtu edhe në nivel evropian. Nëse kjo do të ndodhë në qershor apo disa muaj më vonë, kjo nuk është vendimtare.
Para disa javësh grupi parlamentar holandez ka miratuar një mocion për të pezulluar regjimin pa viza për shtetasit shqiptarë. A mendoni se ky është një lëvizje negative për Shqipërinë?
Në fund, ne do të duhet të vendosim për nivelin evropian për regjimin e vizave, si dhe për bisedimet e pranimit. Unë kisha një përshtypje të mirë të angazhimit të ministrit të ri të brendshëm Lleshaj lidhur me gjendjen e funksionimit të ligjit. Inveristoi Erjon Dervishi
