Në monologun e tij në emisionin “A Show” në News 24, gazetari dhe moderatori i njohur Adi Krasta fshikulloi ambasadorët e huaj në Shqipëri.
Teksa e quajti të turpshëm sjelljen e ambasadorit të OSBE në Tiranë, Bernd Borchardt pas protestës të një grupi të rinjsh pranë banesës së tij, Krasta nuk ka kursyer as ish-ambasadorin e SHBA, Donald Lu.
Sipas gazetarit, “njëanshmëria dhe lojërat e tij me shqipen e çalë bënë që statusquoja e kërkuar prej tij dhe zonjës Vllahutin të rezultonin me një qeverisje të devijuar”.
“Turp, po ashtu duhet të kishte ambasadori më i dobët i Shteteve të Bashkuara në Shqipëri, Donald Lu. Njëanshmëria dhe lojërat e tij me shqipen e çalë bënë që statusquoja e kërkuar prej tij dhe zonjës Vllahutin të rezultonin me një qeverisje të devijuar.
Kush hulumton shqipen do të duhej të kuptonte se ‘të kesh turp’ i thuhet një njeriu pasi ka kryer një gjest të shëmtuar dhe nuk tregon asnjë shenjë pendimi ose analizë.
Ju informojmë se lista e të turpëruarve në vendin tonë mbetet ende e gjatë”, u shpreh Adi Krasta gjatë monologut të tij.
