Liverpool triumfoi përballë Tottenham me rezultatin 0-2 në finalen e madhe të Champions League, ndeshje e cila u zhvillua në stadiumin “Wanda Metropolitano”. Të kuqtë luftuan për të gjashtin titull, dhe e arritën suksesin. Salah ka kaluar në minutën e ‘2 në avantazh Liverpool-in. Ishte Mane që mori një penallti me një aksion në zonë dhe Salah nuk gaboi nga 11 metërshi. Goli vendimtar i fitores së Liverpool u shënua nga Origi në minutën e 88′.
“Mendoj se nuk është e rëndësishme të thuhet para ndeshjes se kush është favorit, kjo duhet treguar në fushë”, tha trajneri Kloop para ndeshjes, dhe Liverpool vërtet e tregoi veten.
Pjesa e parë e ndeshjes u mbyll me rezultatin 0-1. Pjesa e dytë vijoi me më shumë emocione. Rezultati ndryshoi në minutën e 88′, ku Origi i dhuroi Liverpool-it Champions Leaguen me rezultatin 0-2. Tottenham pati plot shanse për të shënuar por e pafat për ta çuar topin në rrjetën e “The Reds”. Një finale e gjitha angleze, përmbylli një sezon të paharrueshëm të UEFA Champions League.
***
Finalja e dytë në histori mes dy skuadrave angleze
Kjo është finalja e dytë mes dy skuadrave angleze. Për herë të parë, dy skuadra nga Anglia u përballën me njëra-tjetrën në finalen e ‘Champions League’ në vitin 2008, kur Manchester United fitoi me penallti ndaj Chelsea.
Tottenham është skuadra e 8 angleze që arrin në një finale të ‘Champions League’, ndërsa për Liverpool-in, kjo ishte hera e 21-të që paraqitet në një finale të një kompeticioni europian. Gjithashtu, është hera e 3-të që arrin finalen në dy sezone radhazi.
Momenti kur Origi shënon në minutën e 88′
