Gazeta kryesore austriake Die Presse njofton sot se është marrë de facto vendimi i Bashkimit Europian për të mos hapur negociatat me Shqipërinë. Franca, Hollanda, Danimarka por edhe Gjermania janë kundër hapjes së negociatave.
Sot Këshilli i Ambasadorëve të BE do t’ja komunikojë këtë komisionerit Hahn. Një diplomat europian i tha Die Presse-s se kishte dyshime për vullnetin e sinqertë për reforma: “Shihni protestat në Shqipëri dhe sidomos sesi reagon qeveria. A mund të dallosh aty një përpjekje? Dhe të mos harrojmë: ishte Komisioni Europian që para dy tre vjetësh paralajmëroi rrezikun e kapjes së shteti nga krimi i organizuar” u shpreh ai.
