Një parashutist i identifikuar si Gëzim Elezi 27 vjeç ka humbur jetën pas hedhjes nga 188 metra lartësi. Ngjarja ka ndodhur rreth orës 16:00, kur viktima është hedhur në fshatin Zimur nga lartësia. Mësohet se pasi ka bërë rreth 10 minuta fluturim, parashutisti mund të ketë hyrë në një zonë me turbulencë ere e cila i ka ngatërruar velën duke rënë në gjendje të lirë nga një lartësi e konsiderueshme.
Ngjarja është parë nga kolegu i tij i cili është nisur i dyti, por edhe pse është sjellë në spital Elezi ka humbur jetën.
Po ashtu bëhet me dije se viktima ka qenë i liçensuar për paragliding.
