Atmosfera e acaruar në stadiumin “Loro Boriçi” duket se është transmetuar dhe në rrugët e qytetit. Tifozëritë shpeshherë u kapën mes tyre me kore ofenduese, ndërsa disa kuqeblu duket se nuk kanë duruar festën në fund festën e bardhebluve dhe kanë sulmuar me gurë autobusin e skuadrës së Tiranës.
Në fotot e siguruara, shikohen xhama të thyer, ndërsa është dashur prezenca e policisë, e cila ka normalizuar situatën. Dëmet kanë qenë vetëm materiale. Fatmirësisht, stafi dhe skuadra bardheblu nuk kanë pësuar asgjë.
