Ka përfunduar pas më shumë se dy orësh mbledhja e kreut të Partisë Demokratike, Lulzim Basha, me Kryesinë dhe ish-grupin parlamentar. Mbledhja është zhvilluar në selinë blu dhe, siç mesohet janë diskutuar pesë çështje të rëndësishme.
Burime nga mbledhja konfirmojne se kërkesa kryesore e kreut të PD ka qenë përgatitja për zgjedhje të parakohshme.
Një pikë tjetër e diskutuar në mbledhje, sipas gazetarit Stafa, është gatishmëria për protesta. Para 18 tetorit, nuk do të ketë asnjë protestë, pasi sipas Bashës, do hiqte vëmendjen nga vendimi i KE për hapjen e negociatave të Shqipërisë me BE.
Pika tre mësohet se është ritmi i punës në terren, ku Basha ka kërkuar të punohet fort për zgjedhjet e parakohshme. Basha ka kërkuar që PD të thithë brenda saj sa më shumë të rinj.
Paketa anti-krizë është një tjetër çështje e diskutuar në mbledhjen e PD.
Sipas PD dhe opozitës, është pikërisht kjo paketë, që do bëjë luftën ndaj krimit të organizuar dhe korrupsionit. Pika e fundit, që është diskutuar, është Reforma Zgjedhore, që shihet si pikënisje për dialog.
