Nga Arjan Llanaj
Mirënjohje dhe respekt nacionalistëve shqiptarë që u burgosën, persekutuan dhe u vranë nga regjimi komunist për shkak të rezistencës dhe përpjekjeve për një Shqipëri demokratike!
Kryengritja antikomuniste e Zhapokikës ka një rëndësi të veçantë historike e politike, e cila është lënë jo pa qëllim jashtë teksteve të historiografisë komuniste e postkomuniste.
Zhapokika bashkë me Kelmendin dhe Postribën janë tre lëvizjet kryesore antikomuniste që dëshmojnë faktin se shqiptarët pa dallime krahinore rezistuan ndaj komunizmit, duke sakrifikuar edhe jetën e tyre.
Lëvizja e armatosur e Zhapokikës në shtator-tetor 1948 ishte një kryengritje si reagim antikomunistë i banorëve të zonës ndaj pakënaqësisë së qeverisjes komuniste dhe përpjekja e qartë kundër regjimit diktatorial të Enver Hoxhës.
