Zëvendëskryeministri Erion Braçe ka bërë sot një vizitë ‘blic’ në Kadastrën e Vlorës, duke marrë shkas edhe nga ngjarjet që kanë ndodhur në këtë institucion, që rrodhën pas shkarkimit të drejtorit dhe zv.drejtorit.
Gazetari Enrik Mehmeti në një lidhje direkte për ‘News24’ teksa tregoi detaje nga vizita e papritur e Braçes, tha se ky i fundit ishte interesuar për orarin e punonjësve si dhe ankesat e qytetarëve. Mësohet se Braçe ka shkuar në Kadastër para orës 8:00, për të parë nga afër se sa e respektonin punonjësit orarin zyrtar.
“Zëvendëskryeministri Erion Braçe ka zhvilluar mëngjesin e sotëm një vizitë ‘blic’ për të parë nëse punonjësin zbatonin orarin si dhe ka dëgjuar nga afër ankesat e qytetarëve. Ai ka takuar në këtë institucion 4 qytetarë. Më pas është larguar nga Kadastra”, pohoi Enrik Mehmeti në lidhjen direkte.
