Artistët me origjinë serbe gjithnjë e më shumë po i bëjnë jehonë miqësive serbo-shqiptare në rajon!
Pas Miss Serbisë që bëri shenjën e shqiponjës me duar, këtë herë një tjetër reper me origjinë serbe ka bërë një gjest të bujshëm për shqiptarët.
Aleksandar Milosavljeviç i njohur me emrin e artit Aki Aki ka marrë vëmendjen e të gjithëve pasi shfaqet me flamurin shqiptar kuqezi në videoklipin e tij të ri “Cani Sciolti”.
Ai i sheh kombet si familje dhe shprehet se shqiptarë e serbë janë bashkë!
“Jemi si një familje dhe kjo dihet, niset njëri dhe nisen të gjithë, ose futet njëri futen të gjithë, bashkë me shqiptarë e serbë”, këndon Aki Aki.
Ndoshta kjo qasje e reperit ndaj shqiptarëve lidhet edhe me faktin që ai prej vitesh jeton në Cadenazzo të Italisë.
Kënga e tij “Cani Sciolti” ka marrë mijëra shikime në Youtube e është bërë tepër e bujshme pikërisht për faktin që shqiptarët i quan familje.
