Ministri i Brendshëm Sandër Lleshaj ditën e djeshme me anë të një postimi në rrjetet sociale tregoi se biletën e tij në stadium për ndeshjen Shqipëri-Francë, ia kishte dhënë polices Ina Nuka.
“Preferova të dërgoj Ina Nukën në vendin tim në stadium, si shenjë respekti për sakrificën e kësaj punonjëse të PSH bashkë me urimet më të mira për gjithë sportdashësit shqiptarë…‘‘, shkruante Lleshaj në Facebook.
Theksojmë se biletat për ndeshjen që u luajt mbrëmjen e djeshme në “Air Albania Stadium” ishin të personalizuara.
Gazetari Armend Pire, përmes një komenti në “Facebook”, është shprehur se Lleshaj me anë të gjesti, ka shkelur rregullat e sigurisë.
“Rregullat që i shkruani vetë, shkelen po nga ju, ndërkohë që tifozët mezi u lejuan të hyjnë vetëm se kishin një palë çelsa shtëpie me vete.‘‘, shkruan gazetari Pire.
Po ashtu ai i ka sugjeruar Lleshajt se do të ishte mirë që biletën që i dhuroi oficeres së policisë, t’ia kishte blerë në emrin e saj.
