Debate të forta mes analistëve dhe avokatit Spartak Ngjela në studion e “Real Story” në News24 për Gjykatën Kushtetuese, rolin e Presidentit të Republikës dhe parlamentit në zgjedhjen e anëtarëve.
Gjekmarkaj e cilësoi Ngjelën zëdhënës të një tiranie që po vendoset në Shqipëri. Nga ana tjetër, kreu i PLD, Ngjela tha se reforma në drejtësi është në dorë të ndërkombëtarëve dhe vendimet për institucionet i marrin ata si në rastin e Kushtetueses duke shmangur kështu Kuvendin dhe maxhorancën nga përgjegjësitë.
Ndërkohë Gjekmarkaj deklaroi se kryeministri Edi Rama ka kapur çdo gjë, çdo institucion dhe se kurthi i ndërkombëtarëve është i rremë.
Por Ngjela mendon ndryshe. Analisti Arion Sulo tha se nuk mund të akuzohen SHBA dhe BE që ka çuar tre kandidatet me afilacion të majtë, me anësi të majtë që të zgjidhen në Gjykatë Kushtetuese.
DEBATET
Ngjela: Katër do shkojnë në procese, do fitojnë apo jo është puna e mbrojtjes.
Gjekmarkaj: Qëndrimet e dhënë në 30 vite i ka pasur mjaft interesante. Unë avokatin e kam të bëjë shpesh herë pirueta juridike për arsye humoresh personale dhe nuk e kuptoj dot si njeri që ka një background të tillë mund të bëhet zëdhënës i një tiranie që po vendoset në Shqipëri. Edhe ta mbulojë me retorikë, thelbi është që në Shqipëri po kapen institucionet.
Ngjela: Këtu drejtojnë ndërkombëtarët.
Gjekmarkaj: I bie që ju në këtë rast bëni zëdhënësin e Edi Ramës në këtë studio.
Ngjela: Informacioni është ky, nga të tërë këta që kanë vajtur për gjykatën Kushtetuese vetëm dy nuk kanë kaluar nga ndërkombëtarët, këta që ka vënë Meta. Nuk i pranojnë ndërkombëtarët, pikë. Do ta dëgjoni kur të thonë, nuk i pranojmë. Ne nuk e bëjmë dot reformën.
Sulo: Reformën e kanë bërë ndërkombëtarët. Ne po flasim çfarë po ndodh tani. Unë jam pro vettingut, vettingu nuk është prekur. Shumë mirë të vazhdojë vettingu por jo e marrë e gjitha në bllok. Jo të gjithë ndërkombëtarët në Bllok. Kjo është e rremë.
Ngjela: Problemi qëndron tek Gjykata Kushtetuese sepse duhet në këto momente dhe ata i kishin marrë masat ta nxirrnin dhe i paraqitën këto të gjitha. Shkelmin ia vuri Meta. Pse? Të tjerët nuk e shkelën, sepse ka konflikt interesi.
Sulo: Konflikt interesi ka edhe parlamenti, kujdes! Sepse është në gjyq me Presidentin.
Ngjela: Nuk ka maxhorancë këtu.
Gjekmarkaj: Kurthi i ndërkombëtarëve është i rremë. Po në qoftë se Edi Rama kap çdo pushtet…i ka kapur të gjitha pa përjashtim i bie që edhe ndërkombëtarët në Shqipëri janë të korruptuar. Sepse nuk janë Zoti as Krishti as Muhamedi.
Ngjela: S’ka kapur asgjë.
Gjekmarkaj: Ai po kap çdo gjë, këta i bëjnë marshalla. Atëherë i bie që ata janë me të, janë të korruptuar.
Balla: Po si qenkan të korruptuar, pse janë të korruptuar?
Gjekmarkaj: Vetëm nëse janë qorra dhe nuk e kuptojnë që ky ka kapur çdo gjë.
Balla: Të dyshuar për anësi po…
Sulo: Dyshime shumë të forta për anësi në rastin e Gjykatës Kushtetuese.
Balla: Të jesh i anshëm nuk është akuzë penale.
Sulo: Po reforma është e paanshme.
Ngjela: Ju ngatërroni forcën maxhoritare me kapjen e shtetit. E ka maxhoranca shtetin. Ju rregulloni votimet.
Sulo: Drejtësinë jo. Po flasim për Gjykatën Kushtetuese dhe drejtësinë.
Ngjela: Gjykata Kushtetuese ju thashë vetëm dy nuk kanë pranuar ndërkombëtarët. Të tjerët kanë vendosur ata.
Sulo: Si mund ta akuzojmë ne SHBA-në dhe BE-në që ka çuar tre kandidatet me afilacion të majtë, me anësi të majtë që të zgjidhen në Gjykatë Kushtetuese? Si po bëjmë këtë akuzë kështu.
Ngjela: Ku njohin të majtë, të djathtë. Ata thonë kë kam unë.
Balla: A janë këta anëtarë të Gjykatës së Lartë sot me proces vettingu?
Sulo: Jo nuk e kanë kaluar, dy zonja nuk kanë qenë gjyqtare. Si do t’i kapje të treja ti, të tria si duke shkuar në parlament. Parlamenti do zgjedhë tre por duke i ndarë sipas përbërjes që ka, larmisë së grupeve se nuk i janë lënë të tre parlamentit, t’i zgjedhë maxhoranca.
Balla: Ku është e thënë kjo? Po presidenti si do t’i zgjedhë tre anëtarët e vet?
Ngjela: Ia imponon KED.
Sulo: Po e kanë kaluar filtrin.
Balla: Ça logjike është kjo, po presidenti si do t’i zgjedhë tre anëtarët e vet, një me dorën e majtë, një me dorën e djathtë dhe një me gishtin e mesit?
Sulo: Janë në nëntëshe ato. Treshja e Presidentit asnjëanësohet nga Gjykata e Lartë dhe parlamenti.
